வாழிய வாழி ! வாழி ! வளம் பெற நீடு
வாழி !
அன்பு வானொலி என்கிற தனியார் வானொலி நிறுவனம், நம் தமிழ்ப் பணிமன்ற ஆட்சியர் வை. #வேதரெத்தினம் குறித்து 1.1.2021 இல் ஒரு சிறப்பு நிகழ்ச்சியினை ஒலிபரப்பிற்று !
அதன் ஒலிப்பதிவினைத் தமது புலனப்(WhatsApp )பக்கத்தில் பதிவு செய்திருக்கிறார் தமிழ்க் கடல், தமிழ்ச்செம்மல், கவிச்செம்மல் வை. வேதரெத்தினம் !
அதனை அவரின் புலனப்பக்கத்திற்குக் சென்று கேட்டுச் சுவைக்குமாறு வேண்டுகிறேன் !
அதனை நான் முழுமையாகக் கேட்டேன். என் கருத்துரையை அங்கே பதிவு செய்துள்ளேன். அதனை இங்கே பகிர்வுப் பதிவாக அளிக்கிறேன் !
முதலில், கவிச்செம்மல் வை.வேதரெத்தினம் அவர்களுக்கு வாழ்த்துகள் !
மொழிச் செம்மலுக்குள் இப்படியொரு கவிச்செம்மலும் இருக்கிறார் என்பதை அறியும்போது பெருவியப்பும், மகிழ்ச்சியும் நெஞ்சைக் குதூகலிக்க வைத்தது !
அன்பு வானொலி என்ற தனியார் ஒலிபரப்பு நிறுவனம் நம், தமிழ்க்கடல் வை. வேதரெத்தினம் அவர்களைக் குறித்து பல்வேறு செய்திகளை ஆற்றோட்டமான நடையில் சுவையாகக் கூறிற்று !
ஆறு பகுதிகளில் சுமார் 32 நிமிட நேரங்கள் ஒலிபரப்பாயிற்று அந்த நிகழ்ச்சி !
அவரது அன்னை தந்தை ஆசிரியர் பற்றியும், அவர் கற்ற கல்வி நிறுவனங்கள் பற்றியும் விளக்கம் கூறப்பட்டது.
தஞ்சைத்தரணியின் மைந்தரான இவர் தஞ்சையின் தவப்புதல்வர் கலைஞருக்கு நெருக்கமானவர் என்ற செய்தியையும் தந்தது வானொலி !
1964 முதல் கவிதை புனையும் ஆற்றல் பெற்றிருந்தார் என்று கூறியதுடன் அவரின்கவிதைகள் பலவற்றையும் ஒலிபரப்புச் செய்தது !
(i) தமிழ் மொழிக்குப் புதுப் புதுச் சொற்களைத் தந்து மொழிவளம் சிறக்கச் செய்தவர் !
(ii) தமிழ்ச் சான்றோர்கள் பலரின் வாழ்க்கை வரலாற்றினை 400 பக்க அளவில் எழுதி வெளியிட்டவர் !
(iii) இன்னும் பல தரப்பட்ட கட்டுரைகளைக் கவிதைகளை இலக்கண இலக்கியங்களைப் பற்றியும் ஏராளமான ஆராய்ச்சிக் கட்டுரைகளை எழுதியவர் என்ற பல அரிய செய்திகள் கூறப்பட்டன !
அரசுப் பணியில் இருந்தமை, குடும்ப நிகழ்வுகள், குடும்ப உறுப்பினர்கள் பற்றிய சுருக்கமான குறிப்பும் தரப்பட்டது.
2015 முதல், தமிழ்ப்பணிமன்றம் என்கிற முகநூல் குழுவினைத் தொடங்கி பல தமிழ் ஆர்வவலர்களை ஊக்குவித்து வருபவர் என்பதையும் குறிப்பிட்டது வானொலி !
இடையிடையே இவரின் விருப்பமாகத் தமிழ்ச்சுவை செறிந்த 6 திரைப்படப் பாடல்களையும்
ஒலிபரப்புச் செய்து இசைவிருந்தும் அளித்தது அன்பு வானொலி !
தமிழ்ச் செம்மல், வை. வேதரெத்தினனாரின் அயராத தமிழ்த்தொண்டு மேலும் மேலும் தொடர வேண்டும் என வாழ்த்தி மகிழ்கிறேன் !
சுமார் அரைமணிநேரம் தமிழ்க்கடலில் நீந்தி மகிழ வைத்த அனபு வானொலி
நிலையத்தாருக்கு நன்றி !
------------------------------------------------------------------------------------------------------
சோம.
நடராசன்,
கூடுதல் ஆட்சியர்.
வே.வா.ப.து.ஓ.பெ.அ.இணையம்.
{22-01-2021}
------------------------------------------------------------------------------------------------------
